കണ്ണൂർ: ദേശീയപാതയിൽ വെള്ളിയാഴ്ചയുണ്ടായ ഗതാഗതക്കുരുക്കിൽ കണ്ണൂർ നഗരം ശ്വാസം മുട്ടി. രാവിലെ മുതൽ തുടങ്ങിയ ഗതാഗതക്കുരുക്ക് രാത്രിയായതോടെയാണ് കടുത്തത്. ട്രാഫിക് സംവിധാനം മുഴുവൻ താളം തെറ്റി .കാൽടെക്സിൽ നിന്ന് താഴെചൊവ്വയിലെത്താൻ രണ്ടുമണിക്കൂറെടുത്തു. സമയം പാലിക്കാനാവാതെ ചില ബസ്സുകൾ ഓട്ടം നിർത്തി. താഴെചൊവ്വയിലെ പാലത്തിന്റെ വീതിക്കുറവും കാപ്പാട് റോഡിൽനിന്നും സിറ്റി ഭാഗത്തുനിന്നും വാഹനങ്ങൾ ദേശീയപാതയിലേക്ക് പ്രവേശിക്കുന്നതും ആണ് ഗതാഗതകുരുക്ക് ഇത്ര രൂക്ഷമാകാൻ കാരണം