പേരാവൂര്‍: നിയന്ത്രണം വിട്ട് മരത്തിലിടിച്ച ബസിനു മുകളില്‍ മരം പൊട്ടി വീണ് നിരവധി പേര്‍ക്ക് പരിക്ക്. ബെഗളൂരുവില്‍ നിന്ന് പാനൂരിലേക്ക് വരികയായിരുന്ന കംഫര്‍ട്ട് ബസ്സാണ് അപകടത്തില്‍ പെട്ടത്. പേരാവൂര്‍ പെരുമ്പുന്ന വളവില്‍ വ്യാഴാഴ്ച പുലര്‍ച്ചെ നാലരയോടെയായിരുന്നു സംഭവം. പേരാവൂര്‍ പോലീസും അഗ്നിരക്ഷാ സേനയുമെത്തിയാണ് അപകടത്തില്‍ പെട്ടവരെ ആസ്പത്രിയില്‍ പ്രവേശിപ്പിച്ചത്. പരിക്കേറ്റവരെ തലശ്ശേരി ഇന്ദിരാഗാന്ധി ആസ്പത്രിയില്‍ പ്രവേശിപ്പിച്ചു.