ന്യൂഡൽഹി: ദേശീയപാതയോരത്തെ ബാറുകൾ പൂട്ടാനുള്ള സുപ്രീം കോടതിയുടെ വിധിയെ തുടർന്ന് വിവിധ സംസ്ഥാനങ്ങൾ ദേശീയപാതകൾ ‘റദ്ദാക്കാൻ’ നടപടി തുടങ്ങി. കോടതിയുടെ വിധിക്ക് ഒരു ബദൽ മാർഗം എന്ന നിലയിലാണ് ഈ നടപടി. തുടക്കത്തിൽ പ്രധാന നഗരങ്ങളിലെ സംസ്ഥാനപാതകളാണു റദ്ദാക്കാൻ ഉദ്ദേശിക്കുന്നത്. കേരളത്തിൽ 72 സംസ്ഥാനപാതകളുണ്ട്. സംസ്ഥാനപാതകൾ റദ്ദാക്കിയാൽ റോഡുകൾ അനാഥമാകും. അവയെ തദ്ദേശസ്വയംഭരണ സ്ഥാപനങ്ങൾക്കു കീഴിലാക്കുകയാണ് ഒരു പരിഹാരം. ഒട്ടനവധി ആളുകൾക്ക് തൊഴിലും നഷ്ടമാവും. ഈ സാഹചര്യത്തിൽ സർക്കാരുമായി ഒരു പുനരാലോചന ഉണ്ടായേക്കും.