തിരുവനന്തപുരം: ഇന്ഷുറന്സ് പ്രീമിയം വര്ധന പിന്വലിക്കണമെന്നാവശ്യപ്പെട്ടുകൊണ്ടുള്ള 24 മണിക്കൂര് വാഹന പണിമുടക്ക് ആരംഭിച്ചു. ഇന്ന് അർധരാത്രി വരെയാണു പണിമുടക്ക്. സ്വകാര്യ വാഹനങ്ങൾ തടയില്ലെന്നു സമരസമിതി അറിയിച്ചു. കെഎസ്ആർടിസി ബസുകളും ഓടും. പണിമുടക്കിൽനിന്നു മലപ്പുറം ജില്ലയെ പൂർണമായും ഒഴിവാക്കിയിട്ടുണ്ട്.
സിഐടിയു, എഐടിയുസി, ഐഎൻടിയുസി, യുടിയുസി, എസ്ടിയു, എച്ച്എംഎസ്, കെടിയുസി എന്നീ യൂണിയനുകളാണ് പണിമുടക്കുന്നത്. ഓട്ടോ, ടാക്സി, സ്വകാര്യ ബസ്, ടെംപോ, ട്രെക്കർ, ജീപ്പ്, ലോറി, മിനി ലോറി തൊഴിലാളികൾ തൊഴിലാളികൾ സമരത്തിൽ പങ്കെടുക്കും.