മുംബൈ: ആര്‍എസ്എസ് അധ്യക്ഷന്‍ മോഹന്‍ ഭാഗവതിനെ രാഷ്ട്രപതിയാക്കിയാൽ ഹിന്ദുരാഷ്ട്രം എന്ന സ്വപ്‌നം സഫലമാവുമെന്നു മുതിര്‍ന്ന നേതാവും രാജ്യസഭാംഗവുമായ സഞ്ജയ് റാവത്ത്. ബിജെപി ഇതിനകം തന്നെ രാഷ്ട്രപതി തിരഞ്ഞെടുപ്പിന്റെ തന്ത്രങ്ങള്‍ മെനയാൻ ആരംഭിച്ചിരുന്നു. ഇതിന്റെ ഭാഗമെന്നോണം ശിവസേന പ്രസിഡന്റ് ഉദ്ധവ് താക്കറെയെ പ്രധാനമന്ത്രി അത്താഴ വിരുന്നിന് ക്ഷണിച്ചതായി ബിജെപി വൃത്തങ്ങള്‍ അറിയിച്ചു.
എന്നാൽ തങ്ങള്‍ക്ക് അത്തരത്തിലുള്ള ക്ഷണം പ്രധാനമന്ത്രിയുടെ ഭാഗത്തുനിന്നോ ബിജെപിയുടെ ഭാഗത്തുനിന്നോ ലഭിച്ചില്ലെന്നും അത്തരത്തിലുണ്ടായാല്‍ ഭാവി പദ്ധതികള്‍ ചര്‍ച്ച ചെയ്ത് തീരുമാനിക്കുമെന്നും റാവത്ത് പറഞ്ഞു.