തിരുവനന്തപുരം : വയനാട്ടിൽ കാണാതായ സിഐയെ കണ്ടെത്തി. പനമരം പോലീസ് സ്റ്റേഷനിലെ ഹൗസ് ഓഫീസറായ ഇൻസ്പെക്ടർ കെ എ എലിസബത്തിനെ(54) ആണ് കണ്ടെത്തിയത്. തിരുവനന്തപുരത്ത് നിന്നാണ് ഇവരെ കണ്ടെത്തിയത്.തിങ്കളാഴ്ച മുതലാണ് എലിസബത്തിനെ കാണാതായത്. പാലക്കാട് ഫാസ്റ്റ് ട്രാക്ക് കോടതിയിലേക്ക് ഔദ്യോഗിക ആവശ്യത്തിനായി പോയതായിരുന്നു ഇവർ. അവസാനമായി സംസാരിച്ച വ്യക്തിയോട് കൽപ്പറ്റയിലാണെന്നും ഇവർ പറഞ്ഞിരുന്നു. ഇതിന് പിന്നാലെയാണ് കാണാതായത്. ഇവരുടെ ഫോൺ സ്വിച്ച് ഓഫായിരുന്നു.ഒരു സുഹൃത്തിന്റെ വീട്ടില് നിന്നാണ് ഇവരെ കണ്ടെത്തിയത്.അവസാനമായി സംസാരിച്ച ഗ്രേഡ് എസ് ഐയോടായിരുന്നു കൽപ്പറ്റയിലെ ബസ് സ്റ്റാൻഡിൽ ഉണ്ടെന്ന് എലിസബത്ത് പറഞ്ഞത്.പാലക്കാടെത്തിയെന്ന വിവരം കിട്ടിയതിന് പിന്നാലെ മാനന്തവാടി ഡിവൈഎസ്പിയുടെ നേതത്വത്തിലുള്ള പ്രത്യേക അന്വേഷണ സംഘം പാലക്കാട് തിരച്ചിൽ തുടങ്ങിയിരുന്നു. സിസി ടിവി ദൃശ്യങ്ങൾ പരിശോധിച്ച പൊലീസിന് എലിസബത്ത് പാലക്കാട്ടേക്കുള്ള കെഎസ്ആർടിസി ബസിൽ കയറിയതായിട്ടായിരുന്നു കണ്ടെത്തിയത്.