പാലക്കാട്:പോപ്പുലര് ഫ്രണ്ടിന്റെ പാലക്കാട്, വയനാട് ഓഫീസുകളില് പൊലീസ് റെയ്ഡ്.ഓഫീസുകളിലും പ്രവര്ത്തകരുടെ വീടുകളിലുമാണ് പരിശോധന. വയനാട്ടില് ജില്ലാ കമ്മറ്റി ഓഫീസായ മാനന്തവാടി എരുമത്തെരുവിലാണ് ഡിവൈഎസ്പി എപി ചന്ദ്രന്റെ നേതൃത്വത്തില് റെയ്ഡ് നടക്കുന്നത്. പാലക്കാട്ട് പോപ്പുലര് ഫ്രണ്ട് നേതാക്കളുടെ വീടുകളിലും വ്യാപാരസ്ഥാപനങ്ങളിലുമാണ് പൊലീസ് പരിശോധന നടത്തുന്നത്.പോപ്പുലര് ഫ്രണ്ടിനൊപ്പം എസ്ഡിപിഐ നേതാക്കളുടെ വീടുകള് സ്ഥാപനങ്ങള്, ജോലി സ്ഥലങ്ങള് എന്നിവിടങ്ങളിലും പരിശോധന നടക്കുന്നുണ്ട്. ഹര്ത്താല് ദിനത്തിലെ ആക്രമണങ്ങളുമായി ബന്ധപ്പെട്ട് പ്രതികളെ തെരഞ്ഞാണ് പൊലീസ് തിരച്ചിലെന്നാണ് വിവരം. കഴിഞ്ഞ ദിവസങ്ങളില് കണ്ണൂര് ജില്ലയിലെ പോപ്പുലര് ഫ്രണ്ട് കേന്ദ്രങ്ങളിലും പോലീസ് വ്യാപകമായ റെയ്ഡ് നടത്തിയിരുന്നു.ഹര്ത്താല് ദിനത്തിലെ അക്രമസംഭവങ്ങളുമായി ബന്ധപ്പെട്ടായിരുന്നു പൊലീസ് നടപടി. റെയ്ഡില് ലാപ്ടോപ്പ്, മൊബൈല് ഫോണുകള് അടക്കമുള്ള പൊലീസ് പിടിച്ചെടുക്കുകയും ചെയ്തിരുന്നു.