തിരുവനന്തപുരം: ഓണാവധിക്ക് ശേഷമുള്ള ആദ്യ പ്രവൃത്തി ദിനത്തിൽ കെഎസ്ആർടിസിക്ക് റെക്കോർഡ് വരുമാനം.സെപ്റ്റംബർ 12 തിങ്കളാഴ്ചയാണ് കെഎസ്ആർടിസി പ്രതിദിന വരുമാനം 8.4 കോടി രൂപ നേടിയത്. 3941 ബസുകൾ സർവ്വീസ് നടത്തിയപ്പോഴാണ് ഇത്രയും വരുമാനം ലഭിച്ചത്.പ്രതിദിന കളക്ഷൻ 5 കോടി നേടിയിരുന്ന സ്ഥാനത്താണ് ഇന്നലെ 8.4 കോടി രൂപയുടെ റെക്കോർഡ് കളക്ഷൻ. ഉത്സവ സീസണിൽ 7 കോടി രൂപവരെ കളക്ഷൻ നേടിയിട്ടുണ്ടെങ്കിലും
ഇതാദ്യമായാണ് ഇത്രയധികം നേടുന്നത്.സൗത്ത് സോൺ- 3.13 കോടി, സെൻട്രൽ സോൺ- 2.88 കോടി, നോർത്ത് സോൺ- 2.39 കോടി എന്നിങ്ങനെയാണ് വരുമാനം. പ്രതീക്ഷിത വരുമാനത്തിന്റെ 107.96 ശതമാനം നേടിയ കോഴിക്കോട് മേഖലയാണ് വരുമാനത്തിൽ മുന്നിൽ.ഡിപ്പോ അടിസ്ഥാനത്തിൽ തിരുവനന്തപുരം ഡിപ്പോയാണ് ഏറ്റവുമധികം കളക്ഷൻ നേടിയത്. 52 ലക്ഷം രൂപയാണ് തിരുവനന്തപുരം സെൻട്രൽ ഡിപ്പോയിൽ നിന്നുള്ള കളക്ഷൻ.ഇതിനൊപ്പം തന്നെ കെ-സ്വിഫ്റ്റിനും മികച്ച കളക്ഷൻ . 37 ലക്ഷം രൂപയാണ് സ്വിഫ്റ്റിന് മാത്രമായി ലഭിച്ചത്.