കണ്ണൂര്‍: മഴ ശക്തമായി പെയ്യുന്ന സാഹചര്യത്തിൽ കണ്ണൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു.പ്രൊഫഷണൽ കോളേജുകൾ, ഐ.സി.എസ്.ഇ, സി.ബി.എസ്.ഇ സ്കൂളുകൾ, അംഗനവാടികൾ എന്നിവ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ ജൂലൈ 6ന് അവധി പ്രഖ്യാപിച്ചിട്ടുണ്ട്.അവധി നൽകുന്നതിന്റെ ഭാഗമായി മുടങ്ങി പോകുന്ന ക്ലാസുകൾ ക്രമീകരിക്കുന്നതിന് എല്ലാ വിദ്യാഭ്യാസ സ്ഥാപനങ്ങളും നടപടി സ്വീകരിക്കണമെന്നും കുട്ടികളുടെ പഠനം നഷ്ടമാകരുതെന്നും ജില്ലാ കളക്ടർ നിർദ്ദേശം നൽകി. മഴക്കെടുതികളിൽ നിന്നും കുട്ടികളെ അകറ്റി നിർത്തുന്നതിന് വേണ്ടിയുള്ള മുന്നൊരുക്കമാണ് സ്വീകരിക്കുന്നതെന്നും കളക്ടർ വ്യക്തമാക്കി.