കണ്ണൂര്‍: കണ്ണപുരത്ത് കാറും ലോറിയും കൂട്ടിയിടിച്ച്‌ രണ്ട് പേര്‍ മരിച്ചു.നാലു പേര്‍ക്ക് പരിക്കേറ്റു. കാര്‍ യാത്രക്കാരായ ചിറക്കല്‍ അലവിലെ പ്രജുല്‍ (34) പൂര്‍ണിമ (30) എന്നിവരാണ് മരിച്ചത്. ചിറക്കല്‍ സ്വദേശികളാണ് കാറിലുണ്ടായിരുന്നത്. പരിക്കേറ്റവരെ കണ്ണൂര്‍ എ.കെ.ജി സഹകരണ ആശുപത്രിയില്‍ പ്രവേശിപ്പിച്ചിരിക്കുകയാണ്. മൂകാംബിക ദര്‍ശനം കഴിഞ്ഞു മടങ്ങും വഴി ഇന്നു പുലര്‍ച്ചെ 2.30 ഓടെയായിരുന്നു അപകടം. രണ്ട് കുടുംബംങ്ങളാണ് കാറില്‍ ഉണ്ടായിരുന്നത് എന്നാണ് വിവരം.പ്രജിലിന്റെ ഭാര്യ, പൂര്‍ണ്ണിമയുടെ ഭര്‍ത്താവ്, മൂന്ന് കുട്ടികള്‍ എന്നിവര്‍ക്കാണ് പരിക്കേറ്റത്. റോഡരികില്‍ നിർത്തിയിട്ട ലോറിയില്‍ കാറിടിക്കുകയായിരുന്നു എന്നാണ് സൂചന.കണ്ണപുരം പൊലിസ് സ്ഥലത്തെത്തി അന്വേഷണമാരംഭിച്ചു