മട്ടന്നൂര്‍: നഗരസഭയുടെ വ്യാപാരസമുച്ചയവും മറ്റുവികസനപദ്ധതികളും മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. മട്ടന്നൂര്‍ നഗരസഭയുടെ മാലിന്യ സംസ്കരണത്തിനുള്ള പദ്ധതികൾ മാതൃകാപരമാണെന്നും അദ്ദേഹം പറഞ്ഞു. നഗരസഭയുടെ ക്യാരിബാഗ് വിതരണവും പരിസ്ഥിതിസൗഹൃദ വിവാഹ പദ്ധതിയുടെ സ്വര്‍ണാഭരണ വിതരണവും കുടുംബശ്രീവഴിയുള്ള സ്റ്റീല്‍പാത്ര വിതരണവും കിയാല്‍ എം.ഡി. വി.തുളസീദാസ് നിര്‍വഹിച്ചു.
ഇ.പി.ജയരാജന്‍ എം.എല്‍.എ. അധ്യക്ഷതവഹിച്ചു. മുന്‍ എം.എല്‍.എ. പി.ജയരാജന്‍, നഗരസഭാ ചെയര്‍മാന്‍ കെ.ഭാസ്‌കരന്‍, നാസ്സ് ഗ്ലോബല്‍ എം.ഡി. ജോസഫ് ഡാനിയല്‍ എന്നിവർ സംസാരിച്ചു. ഏഴുകോടി രൂപ ചെലവിട്ട് നിര്‍മിച്ച വ്യാപാരസമുച്ചയം രൂപകല്‍പന ചെയ്ത മധുകുമാര്‍, കരാര്‍ കമ്പനിക്കാരായ ഗിരീഷ് എന്നിവരെ ചടങ്ങില്‍ മുഖ്യമന്ത്രി അനുമോദിച്ചു.