തിരുവനന്തപുരം: സെക്രട്ടേറിയറ്റിന് മുന്നില്‍ മൃതദേഹവുമായി പ്രതിഷേധം. ഹെല്‍ത്ത് ഇന്‍സ്‌പെക്ടര്‍ ജഗദീശന്റെ മൃതദേഹവും വഹിച്ചായിരുന്നു പ്രതിഷേധം. കഴിഞ്ഞ അഞ്ചര വര്‍ഷമായി ഹെല്‍ത്ത് ഇന്‍സ്‌പെക്ടറായി ജോലി ചെയ്യുകയായിരുന്ന തൃക്കരിപ്പൂര്‍ സ്വദേശി ജഗദീശന്‍ കഴിഞ്ഞ ദിവസമാണ് തിരുവനന്തപുരത്തെ ലോഡ്ജില്‍ ആത്മഹത്യ ചെയ്തത്. കഴിഞ്ഞ 13 മാസത്തെ ശമ്പളം സര്‍ക്കാര്‍ പിടിച്ചു വെച്ചതിൽ മനം നൊന്താണ് ജഗദീശന്റെ ആത്മഹത്യ. ശമ്പളം ചോദിച്ച് ചെന്നപ്പോള്‍ മോശമായ പെരുമാറ്റമാണ് മന്ത്രിയുടെ ഭാഗത്ത് നിന്നുണ്ടായതെന്ന് പ്രതിഷേധക്കാര്‍ പറഞ്ഞു.