ചിറ്റാരിപ്പറമ്പ്: ചിറ്റാരിപ്പറമ്പ് പഞ്ചായത്ത് പതിനഞ്ചാംമൈലില്‍ നിര്‍മിച്ച പൊതുശ്മശാനം ‘പ്രശാന്തം’ ഇ.പി.ജയരാജന്‍ എം.എല്‍.എ. ഉദ്ഘാടനംചെയ്തു. 30 ലക്ഷം ചെലവിട്ടാണ് നവീന രീതിയിലുള്ള ശ്മശാനം നിര്‍മിച്ചത്. ചിരട്ട ഉപയോഗിച്ച് ഒരേ സമയം രണ്ടുപേരെ സംസ്‌കരിക്കാനുള്ള സംവിധാനമാണ് ഇവിടെയുള്ളത്. പഞ്ചായത്ത് പ്രസിഡന്റ് യു.പി.ശോഭ അധ്യക്ഷയായിരുന്നു. ടി.രാജീവന്‍, വൈസ് പ്രസിഡന്റ് വി.പദ്മനാഭന്‍, എം.ചന്ദ്രന്‍, ആര്‍.ഷീല, അജിത രവീന്ദ്രന്‍ എന്നിവർ സംസാരിച്ചു. ശ്മശാനത്തിന് സമീപത്തായി അനുശോചന ഹാളും നിര്‍മിച്ചിട്ടുണ്ട്.