കണ്ണൂർ: ശ്രീകണ്ഠപുരത്ത് പള്ളി സെമിത്തേരിയിലെ കല്ലറയിൽ സ്ഥാപിച്ച കുരിശുകൾ തകർത്ത നിലയിൽ.അലക്‌സ്‌നഗർ സെന്റ് ജോസഫ് പള്ളിയിലെ സെമിത്തേരിയിലുള്ള കുരിശുകളാണ് അജ്ഞാത സംഘം തകർത്തത്.12 കുരിശുകളാണ് തകർത്തത്.പുലർച്ചെ കുർബാനയ്‌ക്ക് ശേഷം സെമിത്തേരിയിൽ പ്രാർത്ഥനയ്‌ക്കെത്തിയവരാണ് ഇത് ആദ്യം കണ്ടത്. എട്ട് കുരിശുകൾ പിഴുത് മാറ്റുകയും നാലെണ്ണം തകർത്ത നിലയിലുമാണ് കണ്ടെത്തിയത്.സംഭവത്തിൽ ഇടവക വികാരിയുടേയും ട്രസ്റ്റിമാരുടേയും പരാതിയിൽ പോലീസ് അന്വേഷണം ആരംഭിച്ചു. അലക്‌സ് നഗർ ടൗണിലെയും സമീപപ്രദേശങ്ങളിലെയും സിസിടിവി ദൃശ്യങ്ങൾ പോലീസ് പരിശോധിച്ചു വരികയാണ്.