മട്ടന്നൂര്‍: പിണറായി വിജയന്‍ ആഭ്യന്തരമന്ത്രിയെന്ന നിലയില്‍ പൂര്‍ണ പരാജയമാണെന്ന് കര്‍ഷകകോണ്‍ഗ്രസ് ജില്ലാ സമ്മേളനത്തിന്റെ പ്രതിനിധിസമ്മേളന ഉദ്ഘാടന ചടങ്ങിൽ രമേശ് ചെന്നിത്തല പറഞ്ഞു. സാധാരണക്കാര്‍ക്ക് ഒരു കാര്യവും ഈ സര്‍ക്കാരിനെ കൊണ്ടുണ്ടായില്ല. പണംകിട്ടിയാല്‍ എന്തെങ്കിലും നടത്താമെന്ന രീതിയിലുള്ള കിഫ്ബി ബജറ്റാണ് അവതരിപ്പിച്ചിരിക്കുന്നത്. പ്രസിഡന്റ് കെ.സി.വിജയന്‍ അധ്യക്ഷനായിരുന്നു. സംസ്ഥാന പ്രസിഡന്റ് ലാല്‍ വര്‍ഗീസ് കല്പകവാടി, സണ്ണി ജോസഫ് എം.എല്‍.എ., എം.നാരായണന്‍കുട്ടി എന്നിവർ സംസാരിച്ചു. സമാപനസമ്മേളനം സണ്ണി ജോസഫ് എം.എല്‍.എ. ഉദ്ഘാടനംചെയ്തു. സുമാ ബാലകൃഷ്ണന്‍ മുഖ്യാതിഥിയായിരുന്നു.