കാസർകോട്: കാസർകോട് ഭർത്താവ് ഭാര്യയെ വെട്ടിക്കൊന്നു. പെർളടകത്ത് ഉഷ(48) ആണ് കൊല്ലപ്പെട്ടത്. സംഭവത്തിൽ ഭർത്താവ് അശോകനെ പോലീസ് കസ്റ്റഡിയിലെടുത്തു. ഇന്ന് രാവിലെയോടെയായിരുന്നു സംഭവം.ഉഷയുടെ ശരീരത്തിൽ നിരവധി വെട്ടുകളേറ്റ പാടുകളുണ്ട്. കൊലപാതകത്തിന് ശേഷം ഭർത്താവ് വീട്ടിൽ നിന്നും ഇറങ്ങിപ്പോയിരുന്നു. കാസർകോട് റെയിൽവേ സ്റ്റേഷന് സമീപത്തുവച്ചാണ് ഇയാളെ പോലീസ് പിടികൂടിയത്. പ്രതി മാനസിക പ്രശ്‌നങ്ങൾ ഉള്ളയാളാണെന്ന് നാട്ടുകാർ പറയുന്നു.നേരത്തെ ഇരുവരും തമ്മിൽ സ്ഥിരം വഴക്കുണ്ടാകുമായിരുന്നു. തുടർന്ന് രണ്ട് പേരും മാറി താമസിച്ചു. അടുത്തിടെയാണ് ഇവർ ഒന്നിച്ച് താമസിക്കാൻ ആരംഭിച്ചത് എന്നും ഇടയ്‌ക്കിടെ തർക്കങ്ങൾ ഉണ്ടാകാറുണ്ടെന്നും നാട്ടുകാർ പറയുന്നു. പ്രതിയെ ചോദ്യം ചെയ്തതാൽ മാത്രമേ വിശദമായി വിവരങ്ങൾ ലഭിക്കൂ.