അഴീക്കോട്: പുലിയെ കണ്ടെത്താൻ വായിപ്പറമ്പ്, ചാല്‍ പ്രദേശങ്ങളില്‍ ക്യാമറ സ്ഥാപിക്കാന്‍ ആലോചന. പുലിയെ പിടിക്കാനായി വനപാലകര്‍ കൂട് സ്ഥാപിച്ചിരുന്നു. കൂട്ടിനുള്ളില്‍ ഇരയായി ഒരു നായയെ കെട്ടിയെങ്കിലും എസ്.പി.സി.എ.യ്ക്ക് ചിലര്‍ നല്‍കിയ പരാതിയെത്തുടര്‍ന്ന് അതിനെ അഴിച്ചുവിട്ടിരുന്നു. പകരം ബീഫ് വെക്കാൻ തീരുമാനിച്ചിരുന്നെങ്കിലും അത് ഇതുവരെ വനപാലകര്‍ നടപ്പാക്കിയില്ല. ഇതിന് ഡി.എഫ്.ഒ. സുനില്‍ പാംഡി പ്രദേശം സന്ദർശിച്ച ശേഷം ക്യാമറ സ്ഥാപിക്കുന്ന കാര്യത്തിൽ ഒരു തീരുമാനം എടുക്കും. സന്ധ്യയാകുന്നതോടെ വായിപ്പറമ്പ് ചാല്‍ റോഡും പരിസരവും വിജനമാവുകയാണ്. അധികൃതർ ഉണർന്നു പ്രവർത്തിച്ചാലേ ഇതിനൊരു തീരുമാനമാവുകയുള്ളു.