തിരുവനന്തപുരം: ഒപി ടിക്കറ്റിനായി ഓൺലൈൻ ബുക്കിങ് സംവിധാനം പ്രാബല്യത്തിൽ. ഇ-ഹെൽത്ത് വെബ് പോർട്ടൽ (https://ehealth.kerala.gov.in/)വഴിയാണ് ഇത് സാദ്ധ്യമാകുക. ഇത് പ്രകാരം ഇ-ഹെൽത്ത് നടപ്പിലാക്കിയിട്ടുള്ള ആശുപത്രികളിൽ ഓൺലൈൽ ബുക്കിങ് നടപ്പിലാകും.ഇ-ഹെൽത്ത് സൗകര്യമുള്ള 300ൽ പരം ആശുപത്രികളാണ് സംസ്ഥാനത്തുള്ളത്. ഇവിടെ മുൻകൂട്ടിയുള്ള ഓൺലൈൻ ബുക്കിങ് വഴി നിശ്ചിത തീയതിയിലും സമയത്തും ഡോക്ടറുടെ സേവനം ലഭിക്കുന്നു. ഒപി ടിക്കറ്റുകൾ, ടോക്കൺ സ്ലിപ്പുകൾ എന്നിവയെല്ലാം ഇതുവഴി എടുക്കാം. കേന്ദ്രസർക്കാർ നടപ്പിലാക്കിയ യുണീക്ക് ഹെൽത്ത് ഐഡിയും ഇതേ വെബ്‌പോർട്ടൽ വഴി ലഭ്യമാകും. ആശുപത്രിയെക്കുറിച്ചുള്ള വിവരങ്ങൾ, ലഭ്യമായ സേവനങ്ങൾ, ചികിത്സാസമയം, ലാബ് ടെസ്റ്റുകളെക്കുറിച്ചുള്ള വിവരങ്ങൾ എന്നിവയും പോർട്ടലിൽ പ്രസിദ്ധീകരിക്കും.