ന്യൂഡല്‍ഹി: കേന്ദ്രം ഭരിക്കുന്ന ബിജെപി സംസ്ഥാനങ്ങളിലെ നിയമസഭാ തിരഞ്ഞെടുപ്പുകളിലും മികച്ച വിജയം നേടിയതില്‍ ആശങ്കയുമായി ചൈനീസ് കമ്മ്യൂണിസ്റ്റ് പാര്‍ട്ടിയുടെ ഔദ്യോഗിക മാധ്യമം ഗ്ലോബല്‍ ടൈംസ്.അന്താരാഷ്ട്ര വിഷയങ്ങളില്‍ ഇന്ത്യ വിട്ടുവീഴ്ച ചെയ്യുന്നത് ഇനി കൂടുതല്‍ ബുദ്ധിമുട്ടാവുമെന്നും 2019ലെ തിരഞ്ഞെടുപ്പില്‍ ബിജെപി വീണ്ടും അധികാരത്തില്‍ വരുമെന്നും ചൈനീസ് മാധ്യമം വിലയിരുത്തുന്നുണ്ട്. മോദി ചൈനീസ് അതിര്‍ത്തിയിലെ പട്ടാളക്കാര്‍ക്കൊപ്പം ഹോളി ആഘോഷിച്ചത് ഗ്ലോബല്‍ ടൈംസ് പ്രസിദ്ധീകരിച്ചിട്ടുണ്ട്. ദക്ഷിണ ചൈനാ കടലിലെ യുഎസ് നിലപാടിനെ ഇന്ത്യ പിന്തുണച്ചതും ഉള്‍പ്പെടെയുള്ള ഇന്ത്യയുടെ ചൈനീസ് വിരുദ്ധ നിലപാടുകള്‍ ഗ്ലോബല്‍ ടൈംസ് എടുത്തുപറയുന്നുണ്ട്.