കൊച്ചി : കൊച്ചി കായലിൽ മരിച്ച സി എ വിദ്യാർത്ഥിനി മിഷേൽ ഷാജി മരിക്കുന്നതിന് മുൻപ് ഗോശ്രീ പാലത്തിന്റെ ഭാഗത്തേക്ക് നടന്നു പോകുന്ന സി സി ടി വി ദൃശ്യങ്ങൾ പോലീസിന് ലഭിച്ചു. ഹൈ കോടതിക്ക് സമീപമുള്ള ഒരു ഫ്ളാറ്റിലെ സി സി ടി വി നിന്നാണ് ദൃശ്യങ്ങൾ ലഭിച്ചത്. പക്ഷെ ദൃശ്യങ്ങൾ അത്ര വ്യക്തമല്ലെന്നാണ് പോലീസ് ഭാഷ്യം. സി സി ടി വി യിൽ വൈകിട്ട് ഏഴു മണിക്കാണ് മിഷേലിന്റെ ദൃശ്യങ്ങൾ റെക്കോർഡ് ചെയ്യപ്പെട്ടത്.
മാർച്ച് ആറിന് വൈകിട്ട് കൊച്ചി വാർഫിലാണ് മിഷേലിന്റെ മൃതദേഹം കണ്ടത്. മിഷേലുമായി അടുപ്പമുണ്ടായിരുന്ന ക്രോണിൻ അലക്സാണ്ടറിന്റെ നിരന്തര ശല്യത്തെത്തുടർന്നാണ് അത്മഹത്യ ചെയ്തതെന്നാണ് പോലീസ് കണ്ടെത്തൽ . ക്രോണിൻ പോലീസ് കസ്റ്റഡിയിലാണ്.