തിരുവനന്തപുരം: മുല്ലപ്പെരിയാര്‍ വിഷയത്തിൽ തമിഴ്‌നാട് മുഖ്യമന്ത്രി എം.കെ സ്റ്റാലിന് കത്തയച്ച്‌ മുഖ്യമന്ത്രി പിണറായി വിജയൻ.മുല്ലപ്പെരിയാര്‍ അണക്കെട്ടില്‍ നിന്ന് കൂടുതല്‍ ജലം കൊണ്ടുപോകണമെന്നാണ് കത്തിൽ ആവശ്യപ്പെട്ടിരിക്കുന്നത്.കൂടാതെ ഡാമിലെ ജലനിരപ്പ് ഉയരുകയും, ഷട്ടറുകള്‍ തുറക്കേണ്ടി വരുകയും ചെയ്താല്‍ 24 മണിക്കൂര്‍ മുന്‍പ് അറിയിക്കണമെന്നും മുഖ്യമന്ത്രി കത്തില്‍ ആവശ്യപ്പെട്ടു. നിലവിലെ അളവില്‍ നീരൊഴുക്ക് തുടര്‍ന്നാല്‍ ജലനിരപ്പ് അതിവേഗം ഉയരാന്‍ സാധ്യതയുള്ളതിനാലാണ് ഈ നടപടി. എന്നാല്‍, ഡാമിലെ സ്ഥിതി ഓരോ മണിക്കൂറിലും വിലയിരുത്തുന്നുണ്ടെന്നും, അതിനാല്‍ ആശങ്ക വേണ്ടെന്നുമാണ് ചീഫ് സെക്രട്ടറി വി.പി ജോയ് പറയുന്നത്.