കോടഞ്ചേരി: ക്ഷീരോല്‍പാദക സഹകരണ സംഘങ്ങളുടെ പാല്‍ ശേഖരിച്ച്‌ പോയ മില്‍മയുടെ ടാങ്കര്‍ ലോറി താഴ്ചയിലേക്കു മറിഞ്ഞു. മൈക്കാവ് കൂടത്തായി റോഡില്‍ ഇടലോറ മ‍ൃഗാശുപത്രിക്കു സമീപമുള്ള തോട്ടിലേക്കാണ് മറിഞ്ഞത്.ടാങ്കറിലെ 7,900 ലിറ്ററോളം പാല്‍ ഒഴുകിപ്പോയി. വെള്ളിയാഴ്ച ഉച്ചയ്ക്ക് 12 മണിയോടെയാണ് സംഭവം. കോടഞ്ചേരി, കണ്ണോത്ത്, നെല്ലിപ്പൊയില്‍, പൂളവള്ളി, മൈക്കാവ് എന്നിവിടങ്ങളിലെ സൊസൈറ്റികളില്‍ നിന്ന് പാല്‍ ശേഖരിച്ച ശേഷം കുന്ദമംഗലത്തേക്ക് പോകുമ്പോഴാണ് അപകടം. ഡ്രൈവര്‍ അത്ഭുതകരമായി രക്ഷപ്പെട്ടു. റോഡിന്റെ സംരക്ഷണ ഭിത്തി തകര്‍ന്നതാണ് അപകട കാരണം.ഒലിച്ച്‌ പോയ 7,900 ലീറ്റര്‍ പാലിന് 4 ലക്ഷത്തോളം രൂപയുടെ നഷ്ടം കണക്കാക്കുന്നു.