കൊച്ചി : പ്രശസ്ത മലയാള സിനിമാ സംവിധായകന്‍ ദീപന് അന്തരിച്ചു. 47 വയസായിരുന്നു. വൃക്കരോഗത്തെ തുടര്‍ന്ന് കൊച്ചിയിലെ സ്വകാര്യ ആശുപത്രിയില്‍ വച്ചായിരുന്നു അന്ത്യം. പ്രശസ്ത ഡബ്ബിംഗ് ആര്‍ട്ടിസ്റ്റ് ആനന്ദവല്ലിയുടെ മകനാണ്. സംസ്‌കാരം ചൊവ്വാഴ്ച തിരുവനന്തപുരത്ത് നടക്കും. 2003ല്‍ ലീഡര്‍ എന്ന സിനിമയാണ് ആദ്യം സംവിധാനം ചെയ്തതെങ്കിലും പൃഥ്വിരാജിന് ആക്ഷന്‍ നായകനെന്ന ലേബല്‍ നല്‍കിയ പുതിയ മുഖം എന്ന സിനിമയായിരുന്നു സംവിധായകനെന്ന നിലയില്‍ ദീപന് ഏറെ ശ്രദ്ധ നേടിക്കൊടുത്തത്. ലീഡര്‍, പുതിയ മുഖം, ഹീറോ, ഡോള്‍ഫിന്‍ ബാര്‍ തുടങ്ങി ഏഴോളം സിനിമകള്‍ സംവിധാനം ചെയ്തിട്ടുണ്ട് . ചെറു സിനിമകളുടെ സമാഹാരമായ ഡി കമ്പനി എന്ന സിനിമയില്‍ ഗാങ്‌സ് ഓഫ് വടക്കുംനാഥന്‍ എന്ന ചിത്രവും സംവിധാനം ചെയ്തിട്ടുണ്ട്.