മട്ടന്നൂർ: കണ്ണൂര്‍ വിമാനത്താവളത്തില്‍ നിന്നും 60 ലക്ഷം രൂപ വിലമതിക്കുന്ന ഒരു കിലോയിലധികം സ്വര്‍ണം പിടികൂടി.സംഭവവുമായി ബന്ധപ്പെട്ട് കാസർകോഡ് സ്വദേശി മുഹമ്മദ് കമറുദ്ദീന്‍ എന്നയാൾ പിടിയിലായി. ഇയാളില്‍ നിന്ന് 1,255 ഗ്രാം സ്വര്‍ണം പിടിച്ചെടുത്തു.പുലര്‍ച്ചെ രണ്ടിന് ഷാര്‍ജയില്‍ നിന്നും ഗോ എയര്‍ വിമാനത്തിലാണ് ഇയാള്‍ എത്തിയത്. കസ്റ്റംസ് ചെക്കിംഗ് പരിശോധനയില്‍ സംശയം തോന്നിയതിനെ തുടര്‍ന്നു യാത്രക്കാരനെ കസ്റ്റഡിയിലെടുത്ത് പരിശോധിക്കുകയായിരുന്നു.