കണ്ണൂർ: മരം മോഷണം പോലീസിനെ അറിയിച്ചുവെന്ന സംശയത്തിൽ യുവാവിനെ കൊന്നു കനാലില്‍ തള്ളിയ കേസിലെ പ്രധാന പ്രതി കീഴടങ്ങി.ചക്കരക്കല്‍ മിടാവിലോട് സ്വദേശി അബ്ദുല്‍ ഷുക്കൂര്‍ ആണ് പൊലീസ് സ്റ്റേഷനില്‍ ഇന്നു പുലര്‍ച്ചെ നാലരയോടെ കീഴടങ്ങിയത്.ചക്കരക്കല്‍ സ്വദേശി പ്രജീഷാണ് കൊല്ലപ്പെട്ടത്.ഓഗസ്റ്റ് 19ന് വൈകിട്ടു കാണാതായ പ്രജീഷിന്റെ മൃതദേഹം 22ന് ആണു കനാലില്‍ കണ്ടെത്തിയത്.മൗവഞ്ചേരി സ്വദേശി റഫീഖ് വീടു നിര്‍മാണത്തിനു വേണ്ടി സൂക്ഷിച്ച 4 ലക്ഷം രൂപ വില വരുന്ന മരം ഉരുപ്പടികള്‍ മോഷ്ടിച്ച കേസില്‍ പ്രതികളെ കുറിച്ചുള്ള വിവരം പൊലീസിനെ അറിയിച്ചു എന്ന സംശയത്തിലാണ് മോഷണ സംഘത്തിലെ പ്രതി അബ്ദുല്‍ ഷുക്കൂറും സുഹൃത്ത് പനയത്താംപറമ്ബ് സ്വദേശി പ്രശാന്തനും ചേര്‍ന്നു പ്രജീഷിനെ കൊലപ്പെടുത്തിയത്. പ്രശാന്തന്‍ ഇപ്പോള്‍ റിമാന്‍ഡിലാണ്.