പിണറായി:പിണറായി സഹകരണ സൊസൈറ്റിയില്‍ കാര്‍ഷികവായ്പയ്ക്ക് അപേക്ഷയുമായെത്തിയ യുവതിക്ക് ഫോണിൽ അശ്ളീല സന്ദേശമയച്ച സംഭവത്തിൽ സിപിഎം നേതാവിനെ പാര്‍ട്ടിയില്‍ നിന്നും പുറത്താക്കി.പിണറായി ഫാര്‍മേഴ്സ് വെല്‍ഫെയര്‍ കോ ഓപറേറ്റിവ് സൊസൈറ്റി സെക്രട്ടറി നിഖില്‍ കുമാര്‍ നാരങ്ങോളിയെയാണ് സസ്പെന്ഡ് ചെയ്തത്.സിപിഎം ധര്‍മടം നോര്‍ത്ത് ലോക്കലിലെ അണ്ടലൂര്‍ കിഴക്ക് ബ്രാഞ്ച് സെക്രട്ടറിയായ നിഖില്‍ കുമാറിനെ ഒരു വര്‍ഷത്തേക്കാണ് പാര്‍ട്ടിയില്‍ നിന്നും സസ്പെന്ഡ് ചെയ്തത്. പാര്‍ട്ടിയുടെ യശസ്സിന് കളങ്കമുണ്ടാക്കുംവിധം പ്രവര്‍ത്തിച്ചുവെന്ന് ചൂണ്ടിക്കാട്ടിയാണ് നടപടി.വായ്പ അപേക്ഷ നല്‍കിയതിനു പിന്നാലെ നിഖില്‍ കുമാര്‍ അര്‍ധരാത്രി യുവതിയെ ഫോണില്‍ വിളിച്ച്‌ ലൈംഗികച്ചുവയോടെ സംസാരിക്കുകയും വാട്സ് ആപ്പില്‍ മെസേജ് അയക്കുകയും ചെയ്യുകയായിരുന്നു ശല്യം തുടര്‍ന്നതോടെ യുവതി ബന്ധുക്കളെയുംകൂട്ടി സൊസൈറ്റിയിലെത്തി സെക്രട്ടറിയെ പരസ്യമായി ചോദ്യം ചെയ്തു. നടപടിയെടുത്തില്ലെങ്കില്‍ സൊസൈറ്റിക്ക് മുന്നില്‍ നിരാഹാരമിരിക്കുമെന്ന് സൊസൈറ്റി പ്രസിഡന്റും മുഖ്യമന്ത്രിയുടെ മണ്ഡലം പ്രതിനിധിയുമായ പി.ബാലന് മുന്നറിയിപ്പ് നല്‍കുകയും ചെയ്തു.ഇതോടെയാണ് സഹകരണ സ്ഥാപനത്തില്‍ നിന്നും നിഖിലിനെ അന്വേഷണ വിധേയമായി സസ്പെന്ഡ് ചെയ്ത്. യുവതിയുടെ പരാതിയിലാണ് സൊസൈറ്റി നടപടിയെടുത്തതെന്ന് സൊസൈറ്റി പ്രസിഡന്റ് പി. ബാലന് പറഞ്ഞു. പരാതിക്കാരിയായ യുവതിയും സിപിഎം അംഗമാണ്.