തിരുവനന്തപുരം: ലോ അക്കാദമിയിലെ അദ്ധ്യാപകൻ കോളേജ് ഗ്രൗണ്ടിൽ തീ കൊളുത്തി മരിച്ചു. തിരുവനന്തപുരം സ്വദേശി സുനിൽ കുമാറാണ് ആത്മഹത്യ ചെയ്തത്.മൈതാനത്ത് ചെന്ന് തലയില്‍ കൂടി മണ്ണെണ്ണ ഒഴിച്ച്‌ തീകൊളുത്തുകയായിരുന്നു. ഗുരുതരമായി പൊള്ളലേറ്റ സുനിൽ കുമാറിനെ ആശുപത്രിയിലേക്ക് എത്തിച്ചെങ്കിലും രക്ഷിക്കാനായില്ല.രാവിലെ കോളേജില്‍ ഓണാഘോഷ പരിപാടികള്‍ ഉണ്ടായിരുന്നു. പരിപാടിയില്‍ സുനില്‍ കുമാര്‍ പങ്കെടുത്തിരുന്നു. അദ്ധ്യാപകന്‍ ഗ്രൗണ്ടിലിരിക്കുന്നത് വിദ്യാര്‍ത്ഥികള്‍ കണ്ടിരുന്നു. അദ്ധ്യാപകന്റെ ബാഗില്‍ നിന്നും പെട്രോള്‍ വാങ്ങിയ കുപ്പി കണ്ടെത്തി. മൃതദേഹം തിരുവനന്തപുരം മെഡിക്കല്‍ കോളേജില്‍ സൂക്ഷിച്ചിരിക്കുകയാണ്.ക്ലാസിലൂണ്ടായിരുന്ന വിദ്യാര്‍ത്ഥികളുമായി സംസാരിച്ച ശേഷമാണ് സുനില്‍കുമാര്‍ മൈതാനത്തേക്ക് പോയത്. മരണത്തെക്കുറിച്ചായിരുന്നു സുനില്‍ കുമാറിന്റെ ഇന്‍സ്റ്റഗ്രാമിലെ അവസാന പോസ്റ്റ്. രണ്ട് മൂന്നുദിവസമായി സുനിൽകുമാർ അസ്വസ്ഥനായിരുന്നു എന്ന് സുഹൃത്തുക്കള്‍ പറയുന്നു.