കാസർകോഡ്:തലപ്പാടി അതിര്‍ത്തിയില്‍ കേരളത്തിന്റെ കോവിഡ് പരിശോധന കേന്ദ്രം ഇന്ന് മുതല്‍ പ്രവര്‍ത്തനം ആരംഭിക്കും.ആര്‍.ടി.പി.സി.ആര്‍ മൊബൈല്‍ ടെസ്റ്റിങ് യൂണിറ്റാണ് സംസ്ഥാന സര്‍ക്കാര്‍ അതിര്‍ത്തിയില്‍ ഒരുക്കുക. കര്‍ണാടകയുടെ കോവിഡ് പരിശോധന കേന്ദ്രം പ്രവര്‍ത്തനം അവസാനിപ്പിച്ച സാഹചര്യത്തിലാണ് സംസ്ഥാന സര്‍ക്കാര്‍ നടപടി.കര്‍ണാടക സര്‍ക്കാര്‍ അതിര്‍ത്തിയില്‍ ഏര്‍പ്പെടുത്തിയ നിയന്ത്രണങ്ങള്‍ക്കെതിരെ പ്രതിഷേധം തുടരുകയാണ്.വിവിധ രാഷ്ട്രിയ പാര്‍ട്ടികള്‍ ഇന്ന് മാര്‍ച്ചുകള്‍ സംഘടിപ്പിക്കും. കര്‍ണാടകയിലേയ്ക്കുള്ള KSRTC യാത്രക്കാര്‍ക്ക് RTPCR പരിശോധന നിര്‍ബന്ധമാക്കി. ഓഗസ്റ്റ് 1 മുതലാണ് നിയന്ത്രണങ്ങള്‍ ശക്തമാക്കിയത്. കാസര്‍ഗോഡ്- മംഗലാപുരം, കാസര്‍ഗോഡ് – സുള്ള്യ, കാസര്‍ഗോഡ് – പുത്തൂര്‍ എന്നിവടങ്ങളിലേക്ക് കെഎസ്‌ആര്‍ടിസി നടത്തുന്ന സര്‍വ്വീസുകള്‍ ഇന്ന് മുതല്‍ ഒരാഴ്ചത്തേക്ക് അതിര്‍ത്തി വരെ മാത്രമേ സര്‍വ്വീസ് നടത്തുകയുള്ളു. കര്‍ണ്ണാടകയിലെ ദക്ഷിണ കനറാ ജില്ല കളക്ടര്‍ കേരളത്തില്‍ നിന്നുള്ള ബസുകള്‍ ഒരാഴ്ചക്കാലത്തേക്ക് കര്‍ണ്ണാടകത്തിലേക്ക് പ്രവേശിപ്പിക്കേണ്ടതില്ലെന്ന ഉത്തരവ് ഇറക്കിയതിന്റെ അടിസ്ഥാനത്തിലാണ് കെഎസ്‌ആര്‍ടിസി തീരുമാനം.