ന്യൂയോര്‍ക്ക്: ഉരുളക്കിഴങ്ങിന് ചൊവ്വയിലും വളരാനാകുമെന്ന് പഠനങ്ങൾ തെളിയിക്കുന്നു. പെറുവിലെ ഇന്റര്‍നാഷണല്‍ പൊട്ടറ്റോ സെന്ററര്‍ (സി.ഐ.പി.) നടത്തിയ പരീക്ഷണങ്ങളിലാണ് ഈ കണ്ടെത്തല്‍. കാറ്റുകടക്കാത്ത പെട്ടിക്കുള്ളില്‍ മണ്ണുനിറച്ച് ഉരുളക്കിഴങ്ങിന്റെ വിത്തുപാകി. ചൊവ്വയുടേതിന് സമാനമായ അന്തരീക്ഷം പെട്ടിക്കുള്ളിൽ ക്രിയേറ്റ് ചെയ്തു നാസയുടെ ആംസ് ഗവേഷണകേന്ദ്രത്തിന്റെ സഹായത്തോടെയായിരുന്നു പരീക്ഷണം. ഭൂമിയിലെ ഏറ്റവും മോശമായ സാഹചര്യങ്ങളില്‍പ്പോലും ഉരുളക്കിഴങ്ങിന് വളരാന്‍ കഴിയുമെങ്കില്‍ അവയ്ക്ക് ചൊവ്വയിലും വളരാനാകുമെന്ന് തെളിയിക്കാനായിരുന്നു പരീക്ഷണം.