കൊച്ചി: കൊച്ചി നാവികസേന ആസ്ഥാനത്ത് സുരക്ഷാ ജീവനക്കാരനെ വെടിയേറ്റ് മരിച്ച നിലയില്‍ കണ്ടെത്തി.ഉത്തർപ്രദേശ് സ്വദേശി തുഷാർ അത്രിയാണ് മരിച്ചത്.ഇദ്ദേഹത്തിന്റെ തന്നെ സര്‍വ്വീസ് റൈഫിളില്‍ നിന്നുമാണ് വെടിയേറ്റിരിക്കുന്നത്.സ്വയം വെടിവെച്ച് മരിച്ചതാണെന്ന് പോലീസ് പറഞ്ഞു. വാതുരുത്തിയിൽ സുരക്ഷാ ഡ്യൂട്ടിയിലുള്ള ജീവനക്കാരനായിരുന്നു. മൃതദേഹം ഐഎൻഎസ് സഞ്ജീവനിയിലേക്ക് മാറ്റി.പോസ്റ്റു മോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടു നല്‍കും.സംഭവത്തില്‍ നാവിസ സേനയുടെ നേതൃത്വത്തില്‍ അന്വേഷണം ആരംഭിച്ചു. അസ്വാഭിക മരണത്തിന് ലോക്കല്‍ പോലിസും കേസ് രജിസ്റ്റര്‍ ചെയ്തിട്ടുണ്ട്.