കണ്ണൂര്‍: ചാലാട് കുഴിക്കുന്നില്‍ ഒൻപതു വയസ്സുകാരിയെ ദുരൂഹസാഹചര്യത്തില്‍ മരിച്ച നിലയില്‍ കണ്ടെത്തിയ സംഭവം കൊലപാതകമാണെന്ന് പൊലീസ്.ചാലാട് കുഴിക്കുന്നിലെ രാജേഷ് – വാഹിദ ദമ്പതികളുടെ മകള്‍ അവന്തികയാണ് കൊല്ലപ്പെട്ടത്.സംഭവവുമായി ബന്ധപ്പെട്ട് മാതാവ് വാഹിദയെ പൊലീസ് അറസ്റ്റ് ചെയ്തു.അവന്തികയെ കഴുത്ത് ഞെരിച്ച്‌ കൊല്ലുകയായിരുന്നെന്നാണ് പൊലീസ് കണ്ടെത്തിയത്.ഞായറാഴ്ച രാവിലെ അബോധാവസ്ഥയില്‍ അവന്തികയെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. മകള്‍ മരിച്ചതോടെ ദുരൂഹതയുണ്ടെന്നാരോപിച്ച്‌ രാജേഷ് പൊലീസില്‍ പരാതി നല്‍കുകയായിരുന്നു.