കോഴിക്കോട് : തമിഴ്നാടിനു പിന്നാലെ കേരളത്തിലും പെപ്സി കൊക്കക്കോള നിരോധനം. ശീതളപാനീയ കമ്പനിക്കാർ നടത്തുന്ന ജലചൂഷണത്തെ തുടർന്നാണ് നടപടി. കൂടാതെ മാലിന്യ സംസ്കരണത്തിന്റെ കാര്യത്തിലും കമ്പനികൾ തീരെ ശ്രദ്ധിക്കുന്നില്ലെന്നും പരാതി ഉണ്ട്. കോളയ്ക്കു പകരം നാടൻ പാനീയങ്ങളും കരിക്കും വില്പന നടത്താനാണ് ഉദ്ദേശിക്കുന്നത്. നിരോധനത്തെ കുറിച്ചുള്ള അന്തിമ തീരുമാനം അടുത്ത ആഴ്ച ചേരുന്ന വ്യാപാരി വ്യവസായി ഏകോപന സമിതിയുടെ യോഗത്തിൽ ഉണ്ടാവും.