കണ്ണൂർ:സമ്പൂർണ്ണ ലോക്ഡൗൺ നിലനിൽക്കുന്ന ഞായറാഴ്ച മാനദണ്ഡങ്ങൾ ലംഘിച്ച് ക്ലാസ്സെടുത്തതിന് മദ്രസ അധ്യാപകനെതിരെ കേസ്.തളിപ്പറമ്പ് കരിമ്പത്തെ ഹിദായത്തുല്‍ ഇസ്‌ലാം മദ്റസയിലെ അധ്യാപകന്‍ എ.പി. ഇബ്രാഹീമിനെതിരെയാണ് തളിപ്പറമ്പ് പൊലീസ് കേസെടുത്തത്. ഞായറാഴ്ച രാവിലെയായിരുന്നു സംഭവം.പത്തോളം കുട്ടികള്‍ക്കാണ് മദ്റസയുടെ ഒന്നാംനിലയിലെ ക്ലാസില്‍ അധ്യാപകന്‍ ലോക്ഡൗണ്‍ നിയന്ത്രങ്ങള്‍ ലംഘിച്ച് ക്ലാസെടുത്തത്.പ്രദേശവാസികളാണ് സംഭവം പോലീസിനെ അറിയിച്ചത്. വിവരമറിഞ്ഞ് തളിപ്പറമ്പ് പൊലീസ് സ്ഥലത്തെത്തി പഠനം നിര്‍ത്തിച്ച്‌ കുട്ടികളെ പറഞ്ഞുവിടുകയായിരുന്നു. അധ്യാപകനെതിരെ പകര്‍ച്ചവ്യാധി നിരോധന നിയമപ്രകാരമാണ് കേസെടുത്തത്.