കണ്ണൂർ: താഴെ ചൊവ്വയിൽ വീണ്ടും ടാങ്കർ ലോറി അപകടം.താഴെ ചൊവ്വ പാലത്തിനു സമീപം കോഴിക്കോട് ഭാഗത്തേക്ക് പോകുന്ന ടാങ്കർ ലോറി അപകടത്തിൽപ്പെടുകയായിരുന്നു.രാത്രി പത്തുമണിയോടുകൂടിയാണ് അപകടമുണ്ടായത്.നിയന്ത്രണംവിട്ട ലോറി ഡിവൈഡറിലേക്ക് ഇടിച്ചു കയറുകയായിരുന്നു.അപകടത്തിൽ ആർക്കും പരിക്കില്ല.ഉടൻ തന്നെ കണ്ട്രോൾ റൂമിൽ നിന്നും പോലീസെത്തി ലോറി മാറ്റി ഗതാഗതം പുനഃസ്ഥാപിച്ചു.തുടർച്ചയായ അപകടങ്ങൾ സമീപവാസികളിൽ ഭീതി പടർത്തുന്നുണ്ട്.ലോക്ക്ഡൌൺ കാലമായതിനാൽ റോഡിൽ വാഹനങ്ങൾ കുറവായതിനാൽ ഇത്തരം ലോറികൾ അമിത വേഗതയിൽ വരുന്നതാണ് അപകടങ്ങൾക്ക് കാരണമാകുന്നത്.