മട്ടന്നൂര്‍: ദേവാര്‍ച്ചനകള്‍ക്ക് പൊന്നുതന്നെയായ പൂവുകള്‍ സന്തോഷപ്രതീകങ്ങളാണെന്നു ശങ്കരന്‍കുട്ടി മാരാര്‍. മട്ടന്നൂര്‍ മഹാദേവക്ഷേത്രോത്സവത്തിന്റെ ഭാഗമായി എല്ലാ വർഷവും നടത്താറുള്ള തായമ്പകമേളത്തിനുശേഷം സംസാരിക്കുകയായിരുന്നു അദ്ദേഹം.നാട്ടില്‍ ഒരുദിവസമെങ്കിലും തായമ്പക അവതരിപ്പിക്കാന്‍ കഴിയുന്നത് പുണ്യമാണെന്നും അദ്ദേഹം പറഞ്ഞു. ക്ഷേത്രസമിതി പ്രസിഡന്റ് സി.എം.ബാലകൃഷ്ണന്‍ നമ്പ്യാര്‍, തന്ത്രി അഴകം മാധവന്‍ നമ്പൂതിരിപ്പാട്, മട്ടന്നൂര്‍ കെ.പി.പി.നാരായണന്‍ നമ്പൂതിരി എന്നിവര്‍ ചടങ്ങിൽ സംസാരിച്ചു.