തിരുവനന്തപുരം: സംസ്ഥാനത്ത് ചില ജില്ലകളിൽ കൊറോണ വ്യാപനം രൂക്ഷമാണെന്ന് ആരോഗ്യമന്ത്രി കെ.കെ ഷൈലജ.നിലവിൽ സംസ്ഥാനത്തെ കൊറോണ സ്ഥിതിഗതികൾ നിയന്ത്രണാതീതമാണ്.ലോക്ഡൗൺ നീട്ടണമോയെന്നകാര്യം പരിശോധിച്ച് തീരുമാനിക്കുമെന്നും ഷൈലജ കൂട്ടിച്ചേർത്തു.സംസ്ഥാനത്ത് രോഗവ്യാപനം രൂക്ഷമാകുമെന്ന് പ്രതീക്ഷിച്ചിരുന്നു.പ്രതിദിന രോഗബാധിതരുടെ എണ്ണം 50,000 ആകുമെന്ന് വിദഗ്ധർ അറിയിച്ചിരുന്നു.രോഗികളുടെ എണ്ണം വർദ്ധിക്കുന്നതിനാൽ ഐസിയുകൾ നിറഞ്ഞുവരുന്ന അവസ്ഥയുണ്ട്.ഇതിന് പരിഹാരമായി കൂടുതൽ ഐസിയു ബെഡുകൾ തയ്യാറാക്കിക്കൊണ്ടിരിക്കുക യാണെന്നും മന്ത്രി പറഞ്ഞു. കേരളത്തിൽ ഓക്‌സിജൻ ഉപയോഗം കൂടിയതിനാൽ മറ്റു സംസ്ഥാനങ്ങൾക്ക് നൽകാൻ കഴിയില്ല. നിലവിൽ ഇപ്പോഴുള്ളത് മതിയാകില്ല. കേന്ദ്ര വിഹിതം കൂടി നൽകണമെന്ന് ആവശ്യപ്പെട്ടിട്ടുണ്ട്. നിലവിൽ ഓക്‌സിജൻ ക്ഷാമമില്ലെന്നും ഷൈലജ വ്യക്തമാക്കി.