കണ്ണൂർ:കൊവിഡിനൊപ്പം ജില്ലയില്‍ ആശങ്കയായി ഡെങ്കിപ്പനിയും.19 പേര്‍ക്ക് ഇതുവരെ ഡെങ്കിപ്പനി സ്ഥിരീകരിച്ചതായാണ് റിപ്പോര്‍ട്ട്. ഡെങ്കിപ്പനി ബാധിച്ച്‌ ചെണ്ടയാട് പഞ്ചായത്തിലെ യുവാവ് മരിച്ചതായും വിവരമുണ്ട്. ഇതേ തുടര്‍ന്ന് ആരോഗ്യ വിഭാഗം ജില്ലയില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കിയിരിക്കുകയാണ്. കോവിഡിനൊപ്പം ഡെങ്കിപ്പനി പടരുന്നത് ആരോഗ്യപ്രവര്‍ത്തകര്‍ക്ക് ഇടയില്‍ ആശങ്കയ്ക്ക് കാരണമാകുന്നുണ്ട്.അതേസമയം ജില്ലയില്‍ ഇന്നലെ 1755 പേര്‍ക്ക് കോവിഡ് സ്ഥിരീകരിച്ചു. 1633 പേര്‍ക്കും സമ്പർക്കത്തിലൂടെയാണ് രോഗബാധ.