തിരുവനന്തപുരം:കള്ളവോട്ട് തടയാൻ കർശന നടപടികളുമായി തെരഞ്ഞെടുപ്പ് കമ്മീഷൻ.പരാതി ഉയർന്ന രണ്ട് ജില്ലകളായ കണ്ണൂർ, കാസർകോഡ് എന്നിവിടങ്ങളിലെ മുഴുവൻ ബൂത്തുകളിലും വെബ് കാസ്റ്റിങ് ഏർപ്പെടുത്തുമെന്ന് മുഖ്യതെരഞ്ഞെടുപ്പ് ഓഫീസർ ടീക്കാറാം മീണ പറഞ്ഞു.കഴിഞ്ഞ തവണ പത്ത് ശതമാനമായിരുന്ന വൈബ് കാസ്റ്റിംഗാണ് ഇത്തവണ തെരഞ്ഞെടുപ്പ് കമ്മിഷൻ അൻപത് ശതമാനമായി ഉയർത്തിയിരിക്കുന്നത്. കള്ളവോട്ട് നടക്കുന്നതായി പരാതി ഉയരുന്ന എല്ലാ ബൂത്തുകളിലും ഇത്തവണ വെബ്കാസ്റ്റിംഗ് ഏർപ്പെടുത്തും. ഇരട്ടവോട്ടുള്ളവരെ പ്രത്യേകം നിരീക്ഷിക്കാനും തെരഞ്ഞെടുപ്പ് കമ്മീഷൻ കഴിഞ്ഞ ദിവസം നിർദ്ദേശം നൽകിയിരുന്നു. ബിഎൽഒമാർ പരിശോധന പൂർത്തിയാക്കി കഴിയുമ്പോൾ കള്ളവോട്ടിനുള്ള സാധ്യത ഇല്ലാതാകുമെന്നാണ് തെരഞ്ഞെടുപ്പ് കമ്മീഷൻ കരുതുന്നത്.