കണ്ണൂർ: ടെഡ് എക്സ് പരിപാടിയില്‍ പങ്കെടുക്കുന്ന ഏറ്റവും പ്രായം കുറഞ്ഞ ഇന്ത്യക്കാരിയായി കണ്ണൂര്‍ കീച്ചേരി സ്വദേശിനിയായ ഏഴുവയസ്സുകാരി ഇവാനിയ വിപിന്‍.പുണെ ലെക്സിക്കന്‍ ഇന്‍റര്‍നാഷനല്‍ സ്കൂള്‍ വാഗോളി യില്‍ നടന്ന ടെഡ്‌എക്സ് പരിപാടിയില്‍ വുമന്‍ ഹെഡ് എ 7 ഇയര്‍ ഓൾഡ്‌സ് പെർസ്പെക്റ്റീവ് എന്ന വിഷയത്തില്‍ പ്രസംഗിച്ചാണ്‌ ഈ നേട്ടത്തിന് അര്‍ഹയായത്.കമ്പ്യൂട്ടർ കോഡിങ്ങില്‍ വിദഗ്ധയായ ഇവാനിയ വിപിന്‍, വൈറ്റ് ഹാട് ജൂനിയര്‍ കോഡിങ് പ്രോഗ്രാം അംഗീകരിച്ച ഗെയിം ഡെവലപ്പര്‍ കൂടിയാണ്.പുണെയില്‍ ബാര്‍ക്ലെയ് ബാങ്കില്‍ അസി.വൈസ് പ്രസിഡന്‍റ് ആയി ജോലി നോക്കുന്ന വിപിന്‍ നമ്പിടി വളപ്പിലി‍െന്‍റയും ശ്വേത സുരേഷി‍െന്‍റയും മകളാണ് ഈ കൊച്ചു മിടുക്കി.