ന്യൂസിലാൻഡ്:കഴിഞ്ഞ ദിവസങ്ങളിലുണ്ടായ ഭൂകമ്പങ്ങളുടെ പരിഭ്രാന്തി മാറും മുൻപ് ന്യൂസിലാൻഡിൽ വീണ്ടും ഭൂചലനം.ചൊവ്വാഴ്ച രാവിലെ ഉണ്ടായ ഭൂകമ്പത്തിൽ കെട്ടിടങ്ങള്‍ കുലുങ്ങി വിറച്ചു. നാലുദിവസം മുൻപാണ് ഇവിടെ ശക്തമായ മറ്റൊരു ഭൂകമ്പം ഉണ്ടായത്. അന്ന് സുനാമി മുന്നറിയിപ്പും നല്‍കിയതിനെ തുടര്‍ന്ന് തീരപ്രദേശത്തിന് 100 കിലോമീറ്റര്‍ അകലെയുള്ളവരെ വരെ ഒഴിപ്പിച്ചിരുന്നു.ന്യൂസിലന്റ് സമയം രാവിലെ 8.35ഓട് കൂടിയാണ് റിക്ടര്‍ സ്‌കെയിലില്‍ 6.6 രേഖപ്പെടുത്തിയ ഭൂകമ്പം ഉണ്ടായത്. ഇതിന് പിന്നാലെ 4.9 രേഖപ്പെടുത്തിയ മറ്റൊരു ചലനം കൂടി ഉണ്ടായി. ന്യൂസിലന്റിന്റെ വടക്ക് കെര്‍മാഡിക് ദ്വീപിലാണ് ഇന്നും ഭൂകമ്പം ഉണ്ടായത്. അതേസമയം ഇതുവരെ സുനാമി മുന്നറിയിപ്പ് നല്‍കിയിട്ടില്ല. ഭൂകമ്പം അനുഭവപ്പെട്ടതായി നിരവധി സ്ഥലങ്ങളില്‍ നിന്നാണ് ജനം ന്യൂസിലന്റിന്റെ ഒഫീഷ്യല്‍ ജിയോളജിക്കല്‍ സഥാപനമായ ജിയോനെറ്റില്‍ വിളിച്ചറിയിച്ചത്.കഴിഞ്ഞ വെള്ളിയാഴ്ച രാവിലെ ഉണ്ടായ ഭൂകമ്പത്തിൽ നിരവധി കെട്ടിടങ്ങള്‍ കുലുങ്ങി വിറക്കുകയും ജനങ്ങള്‍ ഭയചകിതരാകുകയും ചെയ്തു. പുലര്‍ച്ചെ 2.27ഓടെ 7.3 മാഗ്നിറ്റിയൂഡിലും തൊട്ടു പിന്നാലെ 7.4 മാഗ്നിറ്റിയൂഡിലുമാണ് ഭൂകമ്പം രേഖപ്പെടുത്തിയത്.