എറണാകുളം: സ്വര്‍ണക്കടത്ത് കേസുമായി ബന്ധപ്പെട്ട് തിരുവനന്തപുരത്തെ അഭിഭാഷകയായ എസ് ദിവ്യയെ കസ്റ്റംസ് പ്രിവന്റീവ് വിഭാഗം ചോദ്യം ചെയ്യുന്നു. സ്വപ്‌ന സുരേഷ് നല്‍കിയ രഹസ്യമൊഴിയുടെ അടിസ്ഥാനത്തിലാണ് ദിവ്യയെ ചോദ്യം ചെയ്യുന്നതെന്നാണ് സൂചന. കൊച്ചിയിലെ കസ്റ്റംസ് പ്രിവന്റീവ് കമ്മീഷണര്‍ ഓഫീസിലാണ് ചോദ്യം ചെയ്യല്‍ പുരോഗമിക്കുന്നത്. കഴിഞ്ഞ ഒരു വര്‍ഷമായി ഉപയോഗിക്കുന്ന ഫോണ്‍, സിം കാര്‍ഡ്, പാസ്പോര്‍ട്ട്, ബാങ്ക് അക്കൗണ്ട് വിവരങ്ങള്‍ എന്നിവയുമായി ഹാജരാകാനാണ് കസ്റ്റംസ് ദിവ്യക്ക് കസ്റ്റംസ് നല്‍കിയിരിക്കുന്ന നിര്‍ദേശം.കഴിഞ്ഞ ദിവസമാണ് കസ്റ്റംസ് ഇവര്‍ക്ക് നോട്ടീസ് നല്‍കിയത്.ഇവരുടെ പക്കല്‍ ഒൻപത് സിം കാര്‍ഡുകള്‍ ഉണ്ടെന്നും പ്രതികളില്‍ പലരേയും ഇവര്‍ നിരന്തരം വിളിച്ചിരുന്നുവെന്നും കസ്റ്റംസ് പറയുന്നു.