തിരുവനന്തപുരം: ആരോഗ്യ മന്ത്രി കെ.കെ ശൈലജ ടീച്ചർ കോവിഡ് വാക്സിന് സ്വീകരിച്ചു. തിരുവനന്തപുരം മെഡിക്കല്‍ കോളേജിലെ കോവിഡ് 19 വാക്സിനേഷന് കേന്ദ്രത്തില്‍ എത്തിയാണ് മന്ത്രി വാക്‌സിൻ സ്വീകരിച്ചത്.ഇതുവരെ നാല് ലക്ഷത്തിലധികം പേര്‍ വാക്സിന് എടുത്ത് കഴിഞ്ഞതായും ആര്‍ക്കും തന്നെ ഗുരുതര പാര്‍ശ്വഫലങ്ങള്‍ ഇല്ലെന്നും കെ കെ ശൈലജ അറിയിച്ചു. വാക്സിന്റെ ആദ്യ ഡോസ് എടുത്ത് കഴിഞ്ഞാല്‍ പ്രതിരോധമായെന്ന് കരുതരുത്. 28 ദിവസം കഴിഞ്ഞ് രണ്ടാമത്തെ ഡോസ് എടുക്കണം. അതുകഴിഞ്ഞ് 14 ദിവസം കഴിഞ്ഞേ പ്രതിരോധശേഷി കൈവരികയുള്ളൂ. അത്രയും ദിവസം ജാഗ്രത തുടരേണ്ടതാണെന്നും മന്ത്രി പറഞ്ഞു. നേരത്തെ മന്ത്രി കടന്നപ്പള്ളി രാമചന്ദ്രനാണ് കോവിഡ് വാക്സിന് സ്വീകരിച്ച്‌ മന്ത്രിമാര്‍ക്കിടയിലുള്ള വാക്സിനേഷന് തുടക്കമിട്ടത്. ഇന്നലെയാണ് രണ്ടാം ഘട്ടം വാക്സിനേഷന് തുടങ്ങിയത്. 60 വയസിന് മുകളിലുള്ളവര്‍ക്കും 45നും 59നും ഇടയില്‍ പ്രായമുള്ള ഗുരുതര ആരോഗ്യപ്രശ്‌നങ്ങള്‍ ഉള്ളവര്‍ക്കുമാണ് രണ്ടാം ഘട്ട വാക്സിനേഷന്.