കണ്ണൂർ:ജില്ലയിൽ കോവിഡ് കേസുകൾ വർധിക്കുന്ന സാഹചര്യത്തിൽ പ്രോട്ടോകോൾ ലംഘനത്തിനെതിരെ കര്‍ശന നടപടിയുമായി പൊലീസ്. വെള്ളിയാഴ്ച ജില്ലയില്‍ കോവിഡ് പ്രോട്ടോകോൾ ലംഘനത്തിന്റെ പേരില്‍ ഒരാളെയാണ് അറസ്റ്റ് ചെയ്തത്.പ്രോേട്ടാകോള്‍ പാലിക്കാത്തവരെ പിടികൂടാനായി സെക്ടറല്‍ മജിസ്ട്രേറ്റുമാര്‍ക്കായിരുന്നു ചുമതല. എന്നാല്‍, തെരുവോരങ്ങളിലടക്കം മിക്കയിടങ്ങളിലും ജാഗ്രത നിര്‍ദേശം പലരും പാലിക്കാത്ത സ്ഥിതി തുടർന്നതോടെയാണ് ജില്ല പോലീസിന്റെ നേതൃത്വത്തില്‍ നടപടി തുടങ്ങിയത്. മാസ്ക് ധരിക്കാത്തവര്‍ക്കെതിരെയും സന്ദര്‍ശകരുടെ പേരുവിവരങ്ങള്‍ സൂക്ഷിക്കാത്ത വ്യാപാര സ്ഥാപനങ്ങളിൽ നിന്നും വെള്ളിയാഴ്ച പൊലീസ് പിഴ ഈടാക്കി.കൂടാതെ പൊതുജനങ്ങള്‍ക്ക് ജാഗ്രത മുന്നറിയിപ്പുമായി പൊലീസ് അനൗണ്‍സ്മെന്‍റ് ഗ്രാമ, നഗരവീഥികളില്‍ റോന്തുചുറ്റി. സെക്ടറല്‍ മജിസ്ട്രേറ്റുമാരെ നിയമിച്ച സ്ഥലത്ത് അവരോടൊപ്പം ചേര്‍ന്നാണ് പൊലീസ് പ്രവര്‍ത്തിച്ചത്. ടൗണികളിലടക്കം ജനങ്ങള്‍ കൂട്ടം കൂടുന്നത് പരമാവധി ഒഴിവാക്കാനായിരുന്നു പോലീസിന്റെ ആദ്യ ദിനത്തിലെ പ്രധാന നടപടി.കൂടാതെ സാമൂഹിക അകലം പാലിക്കുന്നതുള്‍പ്പെടെയുള്ള കാര്യം പൊലീസ് നിരീക്ഷണത്തിലുണ്ട്.