ഗുജറാത്ത്:ഗുജറാത്തിലെ സൂറത്തിനടുത്ത് നടപ്പാതയില്‍ ഉറങ്ങിക്കിടന്ന തൊഴിലാളികള്‍ക്ക് ഇടയിലേക്ക് ട്രക്ക് പാഞ്ഞു കയറി 13 പേര്‍ മരിച്ചു . സൂറത്തിനടുത്തുള്ള കിം ചാര്‍ റാസ്‌തയിലെ ഫുട്പാത്തില്‍ ഉറങ്ങിക്കിടന്ന 18 പേരടങ്ങുന്ന സംഘത്തിന് ഇടയിലേക്കാണ് ട്രക്ക് ഇടിച്ച്‌ കയറിയത്.
തിങ്കളാഴ്ച രാത്രി കൊസാമ്ബയിലായിരുന്നു സംഭവം. അപകടത്തില്‍ ആറു പേര്‍ക്ക് പരിക്കേറ്റു.അപകടത്തില്‍പെട്ട എല്ലാവരും രാജസ്‌ഥാനിലെ ബന്‍സ്വര ജില്ലയില്‍ നിന്നുള്ള തൊഴിലാളികളാണ്.കരിമ്പ് കയറ്റി വന്ന ട്രക്ക് മറ്റൊരു മറ്റൊരു ട്രക്കില്‍ ഇടിച്ചതിന് ശേഷം ഫുട്പാത്തില്‍ ഉറങ്ങിക്കിടന്ന തൊഴിലാളികള്‍ക്ക് ഇടയിലേക്ക് പാഞ്ഞു കയറുകയായിരുന്നു. പ്രദേശത്ത് 18 പേരാണ് ഉണ്ടായിരുന്നത്. ഇതില്‍ പന്ത്രണ്ട് പേര്‍ സംഭവസ്ഥലത്ത് വെച്ചുതന്നെ മരിച്ചു. പരിക്കേറ്റവരില്‍ മൂന്ന് പേര്‍ ആശുപത്രിയിലാണ് മരിച്ചത്. രാജസ്ഥാന്‍ ബന്‍സ്വാര സ്വദേശികളാണ് കൊല്ലപ്പെട്ടതെന്നാണ് എഎന്‍ഐ റിപ്പോര്‍ട്ട് ചെയ്യുന്നത്. സംഭവത്തില്‍ ട്രക്ക് ഡ്രൈവറെ പോലീസ് അറസ്റ്റ് ചെയ്തു. ഉത്തരേന്ത്യയില്‍ ഇപ്പോള്‍ അതിശൈത്യമായതിനാല്‍ പുലര്‍ച്ചെ വാഹനമോടിച്ച ഡ്രൈവര്‍ക്ക് കനത്ത മഞ്ഞു വീഴ്ച കാരണം സംഭവിച്ച അപകടമാകുമെന്നാണ് പ്രാഥമിക നിഗമനം. അപകടത്തിന്റെ കൂടുതല്‍ വിവരങ്ങള്‍ പുറത്തു വന്നിട്ടില്ല.