കോയമ്പത്തൂര്‍: നടിയെ തട്ടിക്കൊണ്ട് പോയ കേസിലെ മുഖ്യ പ്രതിയെയും കൂട്ടുപ്രതിയെയും കോയമ്പത്തൂരിൽ കൊണ്ടുപോയി തെളിവെടുപ്പ് നടത്തി. അവിടെ അവർ ഒളിവിൽ താമസിച്ച വീട്ടിൽ നിന്നും മൊബൈൽ ഫോൺ കണ്ടെത്തി. നടിയുടെ വീഡിയോസ് പകർത്തിയ മൊബൈൽ ആണോ ഇതെന്ന് അറിയില്ലെന്നും മൊബൈൽ വിദഗ്ധ പരിശോധനയ്ക്കു അയച്ചിട്ടുണ്ടെന്നും അന്വേഷണ സംഘം പറഞ്ഞു. കോയമ്പത്തൂരിൽ നിന്നും മോഷ്ടിച്ച ബൈക്കിലാണ് പ്രതികള്‍ കഴിഞ്ഞ ദിവസം കോയമ്പത്തൂര്‍ നിന്ന് കൊച്ചിയിലെ കോടതിയില്‍ എത്തിയതെന്നും വ്യക്തമായിട്ടുണ്ട്. സുനിയെയും വിജീഷിനെയും വേറെ വേറെ ആയി അവർ താമസിച്ചിരുന്ന വീട്ടിനകത്തു എത്തിച്ചാണ് തെളിവെടുപ്പ് നടത്തിയത്.തെളിവെടുപ്പ് മുന്ന് മണിക്കൂറോളം നീണ്ടു നിന്നു.