കൊച്ചി : നടിയെ ആക്രമിച്ച കേസിലെ മുഖ്യപ്രതി സുന കൂട്ടുപ്രതി വിജീഷ് എന്നിവരെയും കൊണ്ട് അന്വേഷണ സംഘം പുലർച്ചെ തെളിവെടുപ്പിനായി കോയമ്പത്തൂരിലേക്ക് പുറപ്പെട്ടു. ഇവർ ഇരുവരുടെയും ഒളിത്താവളങ്ങളിലേക്കാണ് യാത്ര. നടിയുടെ വീഡിയോ പകർത്തിയ കാമറ ഫോൺ ഇതുവരെ കണ്ടെടുക്കാനാവാത്ത സാഹചര്യത്തിൽ അതും കുടി കണക്കിലെടുത്താണ് യാത്ര.
ഇന്നലെ ആലുവ സബ് ജയിലിൽ നടത്തിയ തിരിച്ചറിയൽ പരേഡിൽ പ്രതികളെ നടി തിരിച്ചറിഞ്ഞിരുന്നു. അതിനിടെ തട്ടികൊണ്ടുപോയ സംഭവത്തിന് പിന്നിൽ ക്വട്ടെഷൻ ആണോ എന്ന് ഇപ്പോൾ പറയാൻ പറ്റില്ല എന്ന് പൾസർ സുനിയുടെ പ്രതികരണം. നടിയോട് തനിക്ക് വ്യക്തി വൈരാഗ്യം ഒന്നും ഇല്ലെന്നും ആവശ്യമില്ലാത്ത പേരുകൾ കേസിലേക്ക് വലിച്ചിഴച്ച് ആരെയും ബുദ്ധിമുട്ടിക്കരുതെന്നും സുനി പറയുന്നു.