ന്യൂഡല്ഹി: പ്രധാനമന്ത്രി നരേന്ദ്ര മോദി ഇന്ന് രാജ്യത്ത് ഒൻപത് കോടി കര്ഷകരെ അഭിസംബോധന ചെയ്യും. കാര്ഷിക നിയമങ്ങളെക്കുറിച്ചുള്ള കേന്ദ്രത്തിന്റെ നിലപാട് മോദി വ്യക്തമാക്കിയേക്കും.കൂടാതെ പിഎം കിസാന് സമ്മാന് നിധിയുടെ അടുത്ത ഗഡു സാമ്പത്തിക സഹായമായ 18,000 കോടി രൂപ നല്കും.ഉച്ചയ്ക്ക് വെര്ച്വലായി നടക്കുന്ന ചടങ്ങിന്റെ തത്സമയ സംപ്രേഷണമുണ്ടാകും. വലിയ സ്ക്രീനുകള് തയ്യാറാക്കിയിട്ടുണ്ട്.പ്രത്യേകം അച്ചടിച്ച ലഘുലേഖകളും വിതരണം ചെയ്യും. ഉള്ളടക്കം പ്രാദേശിക ഭാഷകളിലേക്ക് വിവര്ത്തനം ചെയ്തതായിരിക്കും.മുന് പ്രധാനമന്ത്രി അടല് ബിഹാരി വാജ്പേയിയുടെ ജന്മവാര്ഷികത്തോടനുബന്ധിച്ച് നടക്കുന്ന പരിപാടിയില് പങ്കെടുക്കാന് പാര്ട്ടി മേധാവി ജെ പി നദ്ദ കേന്ദ്രമന്ത്രിമാര്ക്കും, എംപിമാര്ക്കും, എംഎല്എമാര്ക്കും നിര്ദേശം നല്കി.