കണ്ണൂർ:തദ്ദേശ തിരഞ്ഞെടുപ്പിൽ ജില്ലയിലെ ഗ്രാമപഞ്ചായത്തുകളില്‍ വന്‍കുതിപ്പുമായി എല്‍.ഡി.എഫ്.71 ഗ്രാമപഞ്ചായത്തുകളില്‍ 56 നേടി ഇത്തവണ എല്‍.ഡി.എഫ് ആധിപത്യം പുലര്‍ത്തി. 15 എണ്ണമാണ് യു.ഡി.എഫിെന്‍റ കൂടെ നിന്നത്. കഴിഞ്ഞ തെരഞ്ഞെടുപ്പില്‍ എല്‍.ഡി.എഫ് 53 പഞ്ചായത്തുകളിലാണ് വിജയം നേടിയത്. 18 ഇടത്ത് യു.ഡി.എഫും.പയ്യാവൂര്‍, കണിച്ചാര്‍, ചെറുപുഴ, ഉദയഗിരി, ആറളം, കുന്നോത്തുപറമ്പ് പഞ്ചായത്തുകള്‍ എല്‍.ഡി.എഫ് പിടിച്ചെടുത്തപ്പോള്‍ കടമ്പൂർ യു.ഡി.എഫും തിരിച്ചുപിടിച്ചു. കോണ്‍ഗ്രസും മുസ്‌ലിം ലീഗും വെവ്വേറെ മത്സരിച്ച വളപട്ടണം പഞ്ചായത്തില്‍ ലീഗ് ഭരണം പിടിച്ചു.പത്ത് പഞ്ചായത്തുകളില്‍ എല്‍.ഡി.എഫിന് പ്രതിപക്ഷമില്ല. പട്ടുവത്ത് ബി.ജെ.പി അക്കൗണ്ട് തുറന്നു.വളപട്ടണം, ഉളിക്കല്‍, തൃപ്രങ്ങോട്ടൂര്‍, നടുവില്‍, മാട്ടൂല്‍, മാടായി, കൊട്ടിയൂര്‍, കൊളച്ചേരി, കണിച്ചാര്‍, കടമ്പൂർ, ഇരിക്കൂര്‍, ഏരുവേശ്ശി, ചപ്പാരപ്പടവ്, ആലക്കോട്, അയ്യങ്കുന്ന് എന്നീ പഞ്ചായത്തുകള്‍ യു.ഡി.എഫ് അക്കൗണ്ടിലായി.
അഞ്ചരക്കണ്ടി, ആറളം, അഴീക്കോട്, ചെമ്പിലോട് ചെങ്ങളായി, ചെറുകുന്ന്, ചെറുപുഴ, ചെറുതാഴം, ചിറക്കല്‍, ചിറ്റാരിപ്പറമ്പ്, ചൊക്ലി, ധര്‍മടം, എരമം കുറ്റൂര്‍, എരഞ്ഞോളി, ഏഴോം, കടന്നപ്പള്ളി, കതിരൂര്‍, കല്യാശ്ശേരി, കാേങ്കാല്‍, കണ്ണപുരം, കരിവെള്ളൂര്‍, കീഴല്ലൂര്‍, കേളകം, കോളയാട്, കൂടാളി, കോട്ടയം, കുഞ്ഞിമംഗലം,കുന്നോത്തുപറമ്പ്, കുറുമാത്തൂര്‍, കുറ്റ്യാട്ടൂര്‍, മലപ്പട്ടം, മാലൂര്‍, മാങ്ങാട്ടിടം, മയ്യില്‍, മൊകേരി, മുണ്ടേരി, മുഴക്കുന്ന്, മുഴപ്പിലങ്ങാട്, നാറാത്ത്, ന്യൂ മാഹി, പടിയൂര്‍, പന്ന്യന്നൂര്‍, പാപ്പിനിശ്ശേരി, പരിയാരം, പാട്യം, പട്ടുവം, പായം, പയ്യാവൂര്‍, പെരളശ്ശേരി, പേരാവൂര്‍, പെരിങ്ങോം, പിണറായി, രാമന്തളി, തില്ലേങ്കരി, വേങ്ങാട് എന്നിവിടങ്ങളില്‍ എല്‍.ഡി.എഫ് ഭരണം നേടി.