കൊച്ചി : നടിയെ ആക്രമിച്ച കേസിലെ മുഖ്യപ്രതി പൾസർ സുനിയുമായി പോലീസ് തെളിവെടുപ്പ് നടത്തി. വെളുപ്പിന് രണ്ടരയോടെയാണ് തെളിവെടുപ്പ് തുടങ്ങിയത്. രണ്ടു മണിക്കൂറോളം നീണ്ടുനില്കുന്നതായിരുന്നു തെളിവെടുപ്പ്.
നടിയുടെ ദൃശ്യങ്ങൾ പകർത്തിയ മൊബൈൽ ഫോൺ പ്ലാസ്റ്റിക് കവറിൽ പൊതിഞ്ഞു ഓടയിൽ ഉപേക്ഷിച്ചു എന്നാണ് സുനി പോലീസിനോട് പറഞ്ഞത്. എന്നാൽ പോലീസിന് ഇത് കണ്ടെടുക്കാനായില്ല. തെളിവെടുപ്പിന് ശേഷം സുനിയെ വീണ്ടും ആലുവയിലെ പോലീസ് ക്ലബ്ബിൽ കൊണ്ട് വന്നു. അവിടെ ബിജീഷിനെയും സുനിയെയും രണ്ടു മുറികളിലാക്കി ചോദ്യം ചെയ്യൽ തുടരുകയാണ്. അതേസമയം നടിയെ തട്ടികൊണ്ടുപോയത് ആരുടെയും ക്വട്ടേഷനല്ലെന്നാണ് സുനി പോലീസിന് നൽകിയ മൊഴി.