തിരുവനന്തപുരം :സ്വര്‍ണ കള്ളക്കടത്ത് കേസിലെ പ്രതികളായ സ്വപ്നയുടേയും സരിതിന്റെയും കസ്റ്റഡി കാലാവധി ഇന്ന് അവസാനിക്കും. കഴിഞ്ഞ എട്ടു ദിവസമായി ഇരുവരും കസ്റ്റംസിന് കസ്റ്റഡിയിലായിരുന്നു.ഇതിനിടയില്‍ പ്രതികള്‍ വിദേശത്തേക്കുള്ള ഡോളര്‍ കടത്ത് കേസില്‍ മാപ്പ് സാക്ഷികളാക്കുകയും ചെയ്തു.കേസില്‍ ഉള്‍പ്പെട്ട കൂടുതല്‍ വമ്പന്മാരെ കുറിച്ച്‌ പ്രതികള്‍ സൂചന നല്‍കിയതായാണ് വിവരം. സ്വര്‍ണ കള്ളക്കടത്ത് കേസിലെ മറ്റൊരു പ്രതിയായ എം ശിവശങ്കറിന്റെ റിമാന്‍ഡ് കാലാവധി ഇന്ന് അവസാനിക്കും.മൂന്നു പ്രതികളെയും രാവിലെ 11 മണിയോടെ വിഡിയോ കോണ്‍ഫറന്‍സിലൂടെയും നേരിട്ടും എറണാകുളം സാമ്പത്തിക കുറ്റാന്വേഷണ കോടതിയില്‍ ഹാജരാക്കും.